لماذا اخترت هذا الاسم للتسجيل في المنتدي؟؟؟؟؟؟

أنا عندي فكره بسيطه بدال الزهق اللي احنا فيه ده بس يا رب متكونش بايخه......

طبعا كل واحد فينا له اسم مسجل بيه في المنتدي سواء كان اسمه الحقيقي أو لقب بيحبه....

والسؤال دلوقتي انت /انتي ليه اخترت الاسم أو الصفة دي عشان تسجل بيها؟؟؟؟؟؟؟؟

لآنه آسمـي وبعتزٍ بآسمي وآسم وآلدي

أنا هبدأ بنفسي عشان أكون اول واحد.....
أنا لما حبيت أسجل في المنتدي في الاول خالص احترت أدخل باسم ايه...كنت هادخل باسمي الحقيقي لأني بحب اسمي ولكن بعدين شوفت اني ادخل باسم مستعار أفضل...فأخترت اني أدخل بأسم DEMO عادي يعني علي أساس انه بيجمع اول حروف من اسمي ضياء محمد.....

ولكن للأسف من 4شهور تقريبا بعد التعديلات اللي عملتها في المنتدي وااللي كان المفروض الأدمن (حميد) يكافئني عليها حصل العكس تماما لان حميد بجهله(اسف يا حميد) منعني من دخول المنتدي نهائيا وكمان غير اسمه هو وبقينا احنا الاتنين مش قادرين ندخل ع المنتدي لفتره كبيره....
وفي الايام دي لما حبيت أشارك في المنتدي تاني معاكم كان لازم اختار اسم جديد عشان أسجل بيه ولما احترت اخترت نفس الاسم مع تغيير حرف واحد عشان يبقي DIMO ......

أنا طولت عليكم بس بصراحه أنا زهقان ومش لاقي حاجه أعملها.....شكراااااااا

ههههههههههههههههههههههههههههه والله ضحكتني ياديمو بحوار زهقان ده ايه يابني انت مش وراك اي مشاريع بعد التخرج؟؟ انا بالنسبالي طبعا اخترت اسم الدلع عشان طبيعي البنات مش بتحب تظهر باسمها الحقيقي ولاصورتها ولااي حاجه تثبت شخصيتها عشان هيا بنت بس انا كنت عيزاه نوسه بس من غيرnice عشان المادح نفسه كداب بس للاسف هوبا هيا اللي سجلتلي الاسم عشان انا ماكنتش عارفه ازاي وع العموم كتر خيرها برضو

ياهوبا انا بقول كتر خيرك انك تعبتي وعملتيلي الاسم ماتبقيش حمقيه كده وتزعلي بسرعه انتي حبيتي مقدرش على زعلك

مافيش سبب معين غير اني بشترك في منتديات كتير باسم جنة من زمااااااااان فعشان كدة سجلت بيه في المنتدى بس اسم جنة وحبيبة عامة بيعجبوني فعشان كدة سجلت باسم جنة