يوم في حياة عضو

السلام عليكم ورحمة الله.

تنفيذا للحكم اللي حكمه أحمد فرغلي عليا هنبدأ مع بعض اللعبة دي ان شاء الله...

وفكرتها ببساطه اني هحكي عن اليوم اللي انتهي وازاي أنا قضيته بكل صراحه...
وبعدين هختار عضو تاني عشان يجي بعدي يحكي برضو عن نفس اليوم أو اليوم اللي بعده مثلا وهكذا......

يوم الخميس 2/5
وهبدأ طبعا من ساعة ما صحيت من النوم بس للاسف طبعا كان متأخر لاني صحيت قبل العصر فيدوب لحقت صليت الظهر والعصر وبعدين انشغلت في البيت شويه وبعدين دخلت ع المنتدي لحد أذان المغرب وطبعا فطرت المغرب (ومش لازم تعرفوا فطرت ايه بقي ...ههههه) وبعدين صليت المغرب اتفرجت ع التليفزيون لحد أذان العشاء وبعدين طبعا صليت العشاء والتراويح وبعدين زرت واحد صاحبي في البلد وبعديها دخلت ع المنتدي شويه وقرأت قران بس شويه صغيرين وبعدين حاولت الحق كام ركعة كده من صلاة التهجد في المسجد ورجعت البيت عشان السحور واتفرجت ع التليفزيون لحد قبل الفجر بشويه ورحت صليت ورجعت نمت صحيت قبل الظهر بشويه لان النهارده الجمعة طبعا وبعد الصلاة اديني قاعد ع المنتي لحد دلوقتي....

أنا عارف انها كلها تفاصيل مملة ملهاش لزمة بس أعمل ايه لازم أنفذ الحكم اللي عليا....

وبعد اليوم الفاضي ده اللي مفهوش اي حاجه المفروض طبعااني هختار حد تاني عشان يحكي عن يومه....بس مين؟؟؟؟
أنا هختار سومه عشان تاني مرة تبقيتدخلني السجن ..يلا بقي يا شاطرة احكي بس بالتفصيل الممل

دانتوا أيامكم ممله زيكم ... هو ايه اللي بتعملوه جديد في اليوم بتاعكم .. آستنوني بكره بقى احكيلكم ان شاء الله على يوم النهارده

ما علينا ممل مش ممل المهم حكمت حكم واتنفذ ...

وانا هحكي بقى زي ما وعدتكوا على أول امبارح ..

وهبتدي اليوم من بعد الفجر ..

طبعا صليت الفجر وبعدها رحت جبت استمارات مسابقة عندنا في البلد .. وقعدت ساعتين اصحح فيهم علشان .. ام هند .. قصدي المهم نمت عالساعه 7.30 الصبح .. وصحيت عالساعه 11.30 علشان اصلي الظهر .. بعدها رحت جبت العيش للبيت .. ام هند رجعت من العيش بعد ما ريقي نشف طبعا ورحت فتحت النت نص ساعه كده في السريع وبعدها جبت الجوايز بتاعة المسابقة مع الإمام .. المهم رجعنا صلينا العصر وبعدها عملت اجتماع مع اللجنة المنظمة للحفلة وظبطت كل حاجه وكل حاجه بقت تمام ومية فل وأربعتاشر .. بعدها نزلت اجيب الشغل بتاعي .. ورجعت عالجامع المهم .. أذنت المغرب وروحت البيت علشان افطر .. وطبعا على أمل اني هلاقي حمام في البيت لكن للأسف لقيت كوسه ولحمة ورز .. رحت قولت ومالو اهو حاجه تسد الجوع . .رحت ضربت طبق الرز على الكوسه في رغيفين والحمد لله رب العالمين .. بعد كده رحت الجامع صليت العشاء وطلعت اكمل باقي الشغل بتاعي ... ام هند .. رجعت لقيت النت فاصل وعينك ما تشوف إلا النور وقلبت خناقة مع الموزع .. ما علينا .. رجعت على صلاة التهجد .. بعد التهجد طبعا السحور . وده بيكون مع جروب في الجامع .. وكانت السفره مليانه جبنه ومربى وفول وطحينيه .. يعني بسم الله ما شاء الله .. رحت ضربت رغيفين ونص .. بعدها لقيت البيت بيرن عليا . روحت البيت لقيت فول وبطاطس .. اقعد اتفرج .. لأ طبعا رحت نزلت ضربت رغيفين تاني .. وبعدها حليت بالبسبوسه وشربت العصير على كوباية مياة وهوب وبعدها الفجر إذن .. وتوته توته خلصت الحدوته

أخيرا رجعت وحكيت ع اليوم بتاعك ...الف حمد الله ع السلامه...
أعتقد نارك بردت دلوقتي بقي يا ابو حميد...

تقصد ايه يعني يا خفيف .. طيب تعالى واحكيلنا اليوم بتاع النهارده

لا بقي دا كتير...
كفاية كده يا أحمد انت مش شايف افكارك عملت ايه في الناس؟؟؟؟
كله شايف انت اللعبة دي مملة أوي فكفايه كده يعني ...ولا حد ليه رأي تاني؟؟؟