غلطة عمري..!

بسم الله الرحمن الرحيم
أكيد كل واحد فينا ليه غلطات كتير
ماهو مفيش حد معصوم من الغلط لأن دي طبيعة البني أدمين
بس أحيانا بتبقي في غلطات أو بمعني أدق غلطه واحده عمرنا ماهننساها وكل مانفتكرها نندم عليها
وده اللي أنا أقصده كل واحد فينا يحكي ويقول أيه هي غلطة عمره
يارب تكون الفكره بتاعة التوبيك عجبتكم وخصوصا ده أول توبيك ليا بعد فترة غيابي الطويله
يلا بقي عايزه نشاط وحيويه أكتر

وأنا هبدأ وأقولكم أيه هي غلطة عمري اللي بجد كل ماأفتكرها أندم عليها
زمااااااااان أيام الثانويه العامه ربنا مايرجع أيامها تاني كنت في3ثانوي كان عندي أمتحان فيزيا كان في ريست بينها وبين الماده اللي قبلها4أيام أنا طبعا كنت خلاص وصلت لأخري في المذاكره فذاكرت 3أبواب بس من الماده ودخلت بالباقي ال3 أبواب الباقيين قرايه بس مع أني كنت حافظها صم الفيزيا بس سبحان الله نصيب بقي
المهم دخلت الامتحان وطبعا محلتش كويس بسبب اني مش كنت مذاكره كويس أو بسبب استهتاري بالماده وجبت فيها39وهي بقي اللي ضيعت الحلم بتاعي وحرمتني من دخولي الكليه اللي كنت بحلم بيها طول عمري هندسه طبعا
ودخلت تربيه زفت بس بقول الحمد الله ده نصيب ولولا دخولي تربيه مش كنت عرفت أصحابي ولا اي حد
بس بجد دي غلطه دايما حاضره في بالي وعمري ماهنساها