حوار سآخن جدآ بين الشباب والبنات

ليه البنت لما بتحب ولد أوي بيتقل عليها وممكن يسيبها او ينساها بسهوله؟؟وليه لما بتتقل عليه ومش بتديله وش بيموت فيها ومايزهقش ابدا؟!! الصراحه الفكره دي عند معظم البنات وانا عرضت الموضوع عليكم وعايزه اعرف رأيكم...

هجاوبك انا بقى ... آولا آلولد بيتقل على البنت مع انها بتكون بتحبه اووي .. طيب آزآي !! مدام هما الآتنين بيحبوا بعض يبقى ازاي ده يتقل على ده او العكس !!

في الحالة دي اكيد الحب من طرف واحد ... وممكن يكون الولد مش بيحب البنت اصلآ وبيمسشي معاها علشان مصلحته وكده .. وده حال اغلب الناس الايام دي ومش الشباب بس برضو البنات .. لان في بنات بتكون مش لاقيه اللي يقدر يحتويها ويحبها .. في الحالة دي لما بتلاقي اللي بيحبها اووي بس هي مش بتحبه ... ده رآيي الشخصي .. لكن عمرك ما تلاقي اتنين بيحبوا بعض يتقلوا على بعض ابــدآ .. او ان اي طرف من الاتنين يتقل على التاني .


سؤالي بقى للبنـآت ... ليه بحس ان البنات في اوقات كتير بتحب النفسنه .. وبتغير من اي بنت ومن اقل حاجه

اسمحلي اجاوبك يا احمد البنت مش بتنفسن بس تقدر تقول بتتمنى يعني لو شافت صاحبتها بتحب بتتمنى انها تلاقي الحب ده لو شافت ان ليها شعبية بتتمنى يكون ليها شعبية ومعروفة بالسيرة الحسنة زيها
سبحان الله ده شيء في طبيعة البشر وموجود في الولاد بس الشباب مش بيبينو لكن البنات بتبين لان طبيعة البنت شفافة في شخصيتهاوبتظهر اللي جواها سواء بطريقة او التانية، اي انسان في الدنيا نفسه يكون احسن واحد وانه مختلف عن الاخرين بس مش نفسنة ده تمني مش اكتر يا احمد .

انا بقى عايزة اسال الولاد ليه بقى في صورتنا ان الرجل الشرقي القيادي المسيطر انه يقعد يحط رجل على رجل والست عليها كل حــــــاجـــــة وهو يعني ماينفعش يهز طوله ويمد ايديه ويساعدها في شغل البيت ولا هو حرام ولا رجوليته حتنقص يعني لو عمل كدة

في الآول بشكرك على ردك على السؤال يآ جنـه .. بس حبيت اوضحلك حاجه في ردك .. آن في فرق كبير آووي بين الغبطه واللي هي زي التمني .. وانها تتمني ان اللي في ايد غيرها يكون معاها بس مع عدم الحسد او الكره .. وفرق بين النفسنه والغيره اللي بيكون نهايتها الكره والحسد ...


بالنسبة لسؤالـك بقى ان الراجل مش بيساعد في البيت ليه وده على آسـآس آنه لما بيطلع يشقى ويتعب ويجيب لقمة العيش للبيت بيطلب منها انها تطلع معاه ؟؟ آه فعلآ في ستات بتطلع تشتغل .. ودي طبعا على حسب الاتفاقات اللي بين الآسر .. بس آنآ شايف والحمد لله آني الست ملهاش غير البيت علشان تحافظ على عيآلهآ .... وعلشان ترعى البيت وتشيله فوق راسها .. مع احترامي آنآ آهو لسه مجربتش الآحساس ده واني اكون مسئول عن بيت بالكامل وآسرة وعيآل والكلام ده بس بستعد ليه من دلوقتي .. طيب مانا ايه اللي يخليني آشتغل ليل نهار لدرجة اني ساعات مش بشوف اهلي في البيت غير انهم نايمين بس .. مش كل ده علشان اوفر حاجه للمسئولية دي !!!

برضو آرجع آقول في الآول والآخر ... كلكم راع وكلكم مسئول عن رعيته .. فالمرآة راعية في بيت زوجها ومسئولة عن رعيتهـآ . إلا وإذا كان الراجل ده في وقت فراغ كبير عنده وممكن يساعد هيساعد مش هيقول لآ ودي من وجهة نظري يعنـي


سؤالي بقى للبنات ... ليه آنتوآ بتحسوآ آن آلرجآله دي متكبره آووي وبتشوف نفسها عليكم وبتحب تفرض رآيهـآآ .. يبقى كده الرجاله دي عصبيه وبتخنهم ومش بتحب تعمل على راحتهم ؟؟