لعبة جامده (ادخل واسأل اللي بعدك).............

تقصـدي آيه يآ هبــه !!!

احنا هنقضيها كلام عادى ولا ايه خلاص حصل خير مفيش حاجة يا جماعة هو شيطان صغير جه فى النص كده ومشى خلاص سؤالى انا بقى ايه الحاجه اللى شاغلة تفكيرك 24 ساعة ومش بتقدر تبطل تفكير فيها؟

الدنيا اكتر حاجة بتجرحني
وبتخبط فيا شمال ويمين وانا بحاول اتصدى ليها بس كتير بضعف
ومش بلاقي غير دموعي والورقة والقلم اللي بيخلوني انسى شوية همومي

وانا شايفة اني ماعملتش حاجة وحشة في حد عشان استاهل منها كدة؟؟؟؟؟؟؟
واكتر حاجة بتجرحني اني دايما حاسة اني وحيدة ودموعي هي اللي بتونسني




ايهاكتر كلمة اتوجهت ليك واتألمت بسببها قوي
؟؟
وكنت حاسس ان فعلا الكلمة ده انت تستاهلها ولا ظلم من غيرك ليك؟؟؟

ياااااااااااااااه ياجنه انتي جيتي ع الجرح اكتر كلمه وجعتني مش هقدر اقولها بس هيا اتقالت عليا ف الرحله وطبعا اللي قالها عارف نفسه واللي صدقها تقريبا كل الولاد..وطبعا انا اتظلمت اوي وقتها وعمري ماهعرف انسى ابدا الحاجه دي عشان بجد وجعتني وخصوصا اني كنت بفكر فيهم كلهم عكس كده خالص... محدش برضو جاوب على سؤالي اللي فات.. سؤالي للي بعدي تقدر تحكم على اي شخص بعد كام مره تشوفه وكام موقف تتعامل فيه معاه ؟؟ولا انت بتحكم من اول مره؟؟وياترى حكمك غالبا بيكون صح ولا غلط؟؟

انا شايف ان في ايامنا دي بقي صعب جدا جدا انك تحكم علي اي حد بتقابله من أول مره وان الحكم من أول مره دا عادة بيبقي غلط ....
طبعا أول مره بتتعامل فيها مع حد بتاخد عنه صوره الي حد ما بتبقي صح بس عشان تعرفه كويس لازم تتعامل معاه أكتر من مره وعدد المرات دي بيتوقف علي خبرتك في الحياة وكمان علي الشخصية اللي بتعاملها ان كانت معقده ولا بسيطه.....
ولو عليا انا مثلا اعتقد ان بعرف احكم الناس اللي بقابلها بسرعة الي حد كويس .....بس طبعا الحكم ساعات بيبقي غلط.....




سؤالي للي بعدي ....
ايه الحاجه اللي عملتها (أو لو عملتها)في حق نفسك بتخليك تحس بالذنب أو انك مش قادر تسامح نفسك؟؟؟؟؟؟؟

اكتر حاجة مش مسامح نفسى عليها انى عرفتك يا ضياء هههههههههههههههههه بهزر طبعا اكتر حاجة بجد انى قصرت فى دراستى وزعلت ابويا وامى منى وهما الصراحة شيلينى من على الارض شيل وانا يعارف انى اتظلمت فى دراستى بس برضه عارف انى قصرت شوية وعشان كده انا سافرت فترة الاجازة دى وحاولت اكون مع نفسى واعيد حسباتى وخدت عهد على نفسى انى افرحهم تانى بيا وانى اكون انسان جديد مع نفسى قبل الناس وربنا يقدرنى واثبت ده المرحلة اللى جايه معلش انا طولت عليكو بس بجد دى كانت اكتر حاجة وجعانى الفترة اللى فاتت وماثرة عليا سؤالى بقى للى بعدى ايه هو حلمك اللى لو حققته هتحس انك وصلت لكل حاجة انت نفسك فيها

سؤالى بقى للى بعدى ايه هو حلمك اللى لو حققته هتحس انك وصلت لكل حاجة انت نفسك فيها؟
احلامي كتير جدا ولسة ماحققتش منها اي حاجةلاني لسة في بداية المشوااااار والطريق طويل وكل لما احقق حاجة حتزيد ثقتي في نفسي اكتر وحتكبر طموحي معايا بس يارب اقدر احقق ولو حتى حلم واحد من اللي بحلمه


امتى اخر مرة بكيت وحسيت انك فعلا محتاج تبكي وكان ايه السبب؟

اخر مرة بكيت كانت اكتر مرة وفعلا كنت محتاج ابكى اوى لانى تقريبا كنت من الناس اللى دموعها صعب تنزل بس حصلت ليا شويةاحداث كانت كافيةاوى انها تقصفعمر اى حد بس الحمدلله ايمان الواحد وقربه من ربنا فى الوقت ده كان له اثر كبير ان المواضيع دى تعدى على خير وحسيت فعلا بقيمة دمعتى لانى كنت فى غربة ومحدش معايا فكنت تعبان بجد بس الحمدلله على كل حاجة سؤالى بقى ايه هى اكتر فرحة فى حياتك عشتها وكان نفسك اللحظة دى تدوم علطول

اكتر فتره كنت فرحانه فيها برغم بعض الحاجات اللي حصلت ودايقتني هيا الترم التاني السنادي لاني عرفت ناس كانت معانا اربع سنين عمري ماشفتهم بس فرحت اني عرفتهم ويارب هما كمان يكونو بيفتكروني بالخير...كان نفسي الفتره دي من حياتي تفضل علطول يارب تفتكروني دايما بالخير.. سؤالي ندمان او ندمانه على ايه؟؟

ندمان أولا علي تقصيري في حق ربنا....وثانيا علي تقصيري في حق نفس في حاجات كتير زي اني ماذاكرتش في الثانويه العامه،ودخولي كلية تربية،واني جيت علي نفسي كتير مع ناس ماتستاهلش.....الخ

سؤالي
ايه أكتر حاجه بتخليك مبسوط أو راضي عن نفسك؟؟؟؟

اكتر حاجةبتخلينى مبسوط هى احساسى ان ربنا راضى عنى وانه بيحبنى وده بحسه فى نظرة رضا من ابويا وامى من ضحكة صافيه مش وراها اى مصلحة من حد قريب منى من حب الناس ليا واحترامهم ليا من نجاحى فى اى حاجةانا ناوى اعملها وكفايةاوى انك تنام وانت ضميرك مرتاح سؤالى بقى مين اقرب حد ليك وفى حياتك وبيمثلك ايه؟

سؤالى بقى مين اقرب حد ليك وفى حياتك وبيمثلك ايه؟

اقرب انسانة ليا هي ست الكل أمي وبتمثلي كل حاجة حلوة في حياتي هي سندي هي اللي اترمي في حضنها لما ابقى مضايقة بجد هي كل حاجة ليا ربنا مايحرمني منها


سؤالي للي بعدي:-

ايه اكتر حاجة بتطيب خاطرك لما تبقى مضايق وزعلان؟؟؟؟

اكتر حاجه ممكن تطيب خاطري لو كنت مدايق اني احس ان في حد يفرق معاه زعلي ده..

سؤالي
بتعمل ايه لما بتبقي مخنوق أوي؟؟؟

بعمل ايه لما ببقى مخنوق قوى؟

بشرب بيبسى

سؤالى

ممكن تخسر صاحبك عشان حبيبتك؟

هو انت أصلا معاك فلوس تشرب بيبسي يا حميد؟؟؟

وبالنسبه لاجابة سؤالك باختصار كده لا ( ولا اللي علي راسه بطحة..؟؟؟؟)

وسؤالي ليك بقي ما دام السؤال اللي فات مش عاجبك...
بتعمل ايه لما بتبقي مبسوط اوي؟؟؟؟

اولا انا مش هرد عليك
ثانيا اجابه سؤالك
برضو بشرب بيبسى

نسيت تقول سؤالك للي بعدك يا حميد...
اصحي شويه مش كده....

خلاص بقي يا حميد كفايه عليك كده...
احنا مش هنستني اكتر من كده لازم نكمل اللعبة...
اللي عنده سؤال محيره يتفضل يسأل عشان نكمل اللعبه....

كام مرة حبيت

الظاهر ان سؤالك صعب يا جنة ومحدش عايز يجاوبك عليه..وكمان انتي من بعد السؤال ده محدش شايفك ف المنتدي ... عموما انا قولت أجاوب عشان اللعبة تستمر ويمكن انتي تظهري...
الاجابه:مره واحده


وسؤالي للي بعدي:
ايه أكتر حاجه ممكن تفرحك ف الوقت الحالي ؟؟؟

اكتر حاجه بكرهها ف شخصيتي اني مش بتحمس اوي للافكار

سؤالي للي بعدي
ايه اكتر حاجه بتخليك مبسوط؟

ازيك يا حميد

ازيك يا عمر يا حبيب قلبى وحشتنى قوى


اكتر حاجة بتخلينى مبسوط لما اكون عايز حاجةواحققها

سؤالى

اكتر شخص قريب ليك ؟